Posts

159. NĨTŨENDETE MŨSYĨ MŨTHEU

 NĨTŨENDETE MŨSYĨ MŨTHEU (We are marching into Zion) 1. Nĩtũendete mũsyĩ mũtheu mũsyĩ wa saionĩ,  Nĩ mũseo na mũtheu vai ũngĩ ũilyĩ taw’o; Mĩtũkĩ tũkavika vo mũsyĩ mũtheu wa ngai,  Tũkakomana ĩtunĩ kĩvindu kĩikoneka 2. maandĩko onthe ma tene nĩmakũsĩĩa mũno,  Ũtangĩĩo wa Mwĩaĩi myakanĩ yonthe kũũ nthĩ.  Tũkawĩw’a wathi wa tei o naitũ tũkawina,  Tũkakomana ĩtunĩ kĩvindu kĩikoneka 3. kwĩ wasya kũu ĩtunĩ wa ala mavikie,  Tũkamona mũsyĩ mũtheu wakĩtwe kũu ĩtunĩ,  Mwĩaĩi akasyoka kũũ tũkanengwa ĩtuvi, ; Tũkakomana ĩtunĩ kĩvindu kĩikoneka.  (Amen)

160. INAI WENDO WA MŨTANGĨĨI

 INAI WENDO WA MŨTANGĨĨI (When we all get to heaven) 1. Inai wendo wa Mũtangĩĩi,  Ĩnee na mumo wake,  E kũya mũsyĩ ĩtunĩ,  Kũtwakĩa wĩkalo.  Twavika kũu ĩtunĩ,  Mũthenya wa ũtanu mũnene,  Tũkamwona Yesũ,  Mũthenya wa kũkĩlya vyũ.  2. Twĩthwe andũ alũngalu,  Kũtethya na wĩkwatyo,  Tũketwa ũtheunĩ wake,  Tũkatuvwa twavika.  3. twavika kũya ĩtunĩ,  Mĩthĩnzĩo tũkanengwa,  Mĩvĩanĩ ya thaavu,  Ĩla twĩlika nayo.  (Amen)

161. YĨLA TŨKAVIKA KWAKE YESŨ

 YĨLA TŨKAVIKA KWAKE YESŨ (Numberless as the sands of the sea) 1. Yĩla tũkavika kwake Yesũ,  Twakomana na anyanyae maitũ,  Aingĩ ta kĩthangathĩ kya ũkanga,  Vaikethĩwa woo ona vanini.  Aingĩ ta kĩthangathĩ kya ũkanga,  Aingĩ ta kĩthangathĩ kya ũkanga Mwĩsengw’a nĩ kyaũ tũkakomanĩa vo; Twĩ aingĩ ta kĩthangathĩ kya ũkanga.  2. Twakomanĩa kũu kwake Yesũ,  Twĩ aseo na eanĩu,  Aingĩ ta kĩthangathĩ kya ũkanga Vaikethĩwa woo ona vanini.  3. Tũkamũtaĩa Mwĩaĩi Yesũ,  Ala twatheiw'e na nthakame,  Aingĩ ta kĩthangathĩ kya ũkanga Vaikethĩwa woo o na vanini.  (Amen)

162. NĨNONETE NĨ NTHĨ NZEO

 NĨNONETE NĨ NTHĨ NZEO (Beulah land) 1. Nĩnonete nĩ nthĩ nzeo,  Ĩla Mwĩaĩi waendie,  Yĩna kyeni kĩtisu vyũ,  Na ngatana navika vo.  Nĩ nthĩ nzeo, nĩ nthĩ nzeo,  Nĩmyonete na ngoo yakwa,  Ngĩsisya mawĩkalonĩ,  Maseũvye nũndũ wakwa ,  Yĩna kyeni kĩtisu vyũ,  Nĩngatana navika vo.  2. Yĩla ngavika nthĩ ĩsu,  Ngaendanasya na Mwĩaĩi,  Na kũtana twĩna Mwĩaĩi,  Nyie ngatana navika vo 3. Kwĩ na malaa maseo mũno,  Mĩũke yamo nĩ mĩseo ,  Ya kũtanĩthasya a mevo,  Nĩngatana navika vo.  4. Kwĩ na mbathi nzeo mũno,  O na alaĩka ala mevo,  Nĩmekwina na ũtanu,  Nĩngatana navika vo.  (Amen)

163. NĨTŨNEENAA ŨVOO

 NĨTŨNEENAA ŨVOO (What must it be to be there) 1. Nĩtũneenaa ũvoo,  Wa nthĩ ĩla nzaũ yũkĩte,  Nayo nĩtwĩwe nĩ ũlũngalu,  Nũndũ mwene wayo nĩ Ngai.  Ngeethĩwa vo, ngeethĩwa vo Nũndũ nĩnĩmĩsĩ nzĩa,  Ngeethwa vo nĩ naku,  Wamwĩtĩkĩla Mũtangĩĩi.  2. Nzĩa syayo nĩ sya thaavu,  Na nĩsyakakaa ta syũa,  Kwĩ mumo mwingĩ ndawetekya,  Nĩtũkaseng’a twavika.  3. Nĩ nthĩ ya mũuo na wendo,  Na nĩ mbanakavye mũno,  Na mbathi nyingĩ kwo nikwinwa,  Nakwa nĩngwenda nĩthwe vo.  4. Kuikethĩwa naĩ ona yĩva,  Ateo ala atheu; Makavĩtĩla mathĩnanĩ,  Nĩ kana makathũmũe.  5. No vandũ vanini tũvike,  Mawĩkalonĩ maitũ,  Nĩtũkamwona mwene waw’o,  Ũla wamaseũvĩsye.  (Amen)

164. KŨYA ĨTUNĨ KŨSEO

 KŨYA ĨTUNĨ KŨSEO (Looking this way) 1. Kũya ĩtunĩ nĩ kũseo,  Nĩ kũtheu na nĩ kũseo; Ala mavikie ku tene,  Nĩmasyaĩĩsye nyie nĩvike,  Sisya ĩtunĩ nĩ kũseo,  Ala mekw’o nĩ atanu vyũ,  Nĩ kũseo na nĩ kũtheu,  Endwa a mevo nĩ atanu.   2. Kwĩ ũsũvĩo , kwĩ mũuo,  Ala mavikie vu tene,  Nĩmasyaaĩsye nyie nĩvike,  Nĩmeteele mena ũtanu.  3. Mwĩĩtu-aia ona mwana Asa,  Twĩyũmbanyei tũthi ĩtunĩ; Alaĩka namo kũu ĩtunĩ,  Nĩmeteele mena ũtanu,  4. Ve ũmwe ũla kũu ĩtunĩ,  Ũsyaĩĩsye e na tei mwingĩ: Nĩ Mwĩaĩi wakwa mwendwa wakwa ,  Akanzũvĩa nyie navika.  5. Mwĩaĩi Yesũ kyeni kyaw’o,  E na tei na ala maĩte,  Ĩw’a wasya wa Mwĩaĩi Yesũ; Syoka yu mũsyĩ mwene naĩ.  (Amen)

165. NGAI NĨWASYŨMBIE

 NGAI NĨWASYŨMBIE (Come thou almighty king) 1. Ngai nĩwasyũmbie,  Syĩndũ syĩthwe kũũ nthĩ,  Na matunĩ,  Ĩndĩ nĩtwendete Kũkũvĩtũkya mbee,  Wĩthwe wĩ mwende we kwĩ syonthe 2. Mũtangĩĩi Yesũ,  Ũla wakw'ĩĩe andũ,  Tũtethye yu,  Tumbũle naĩ sitũ,  Ona twieke vyũ; Ngoo syĩthwe na mũuo kwondũ waku.  3. Veva wa Ngai mũtheu,  kyeni kya ngoo sitũ,  twakany'e yu,  tũvyũvye ngoo mũno,  wĩanĩ ũũ waku.  twĩ ngũsĩ sya Yesũ kũũ kwa andũ (Amen)